من عبق اشعاره ,, وقصائده ,, وكل كتاباته ,,
اليــــــــــــــــوم ,,
حملت ,, اليكم,, جديده ,,
وحصرياً ,,
وبسبق في النشـــر ,,
ســــأقدم ,,لكم ,,قصيدة ,, جديدة ,,
هي ,, أخر ما خطت أنامل الشاعر الماسية ,,
وأخر ما رسمت فرشاته من لوحة شعرية ,,
هي ,, نجمة جديدة تضاف الى نجومه في سمائه الشعرية ,,
قصيــــــــــــــــــدة ,,
لــ,, شــــــــــــــاعر الحب ,,
الشاعر المبدع ,, محمـــــــــد رحيمـــــــــــــة الطــــــــــــائي ,,
كونوا معها ,, ومع كلماتها ,, ومع ابداعات الطائي ,, وشاعرية الطائي ,,
وتقبلوا نقلي لهذه القصيدة الجديدة ,,
ولكم ارق تحية ,,
مووكته هسه الحچي ..
خليه ابگلبك جمر ..
من يصفه مره الوكت گول اللي ماگلته
بساعتها اعذرك تره ..
وماگلك انت السبب لو شوگي ودعته
خليني بيك التهي ..
وأبدي بحياتي الصدگ ..
چذبه آنه عمري المضه ومجبور خلصته
وياك اريد الحلم بعيوني صبح ومسه ..
مو حلم نوم الضحى الماينفع بجيته
وخليك بيه جرح ..
أشما زاد بيه الالم اتذكرك انته
وياك صح قصرت ،
وخليتك انت بوضع من گبل ماعشته
أوياك اني اعترف..
منك اخذت الگلب وهموم حملته
مو قصدي اعذبك تره ،
ومو قاسي گلبي ابد ..
اسنين يمك بقى معقوله معرفته!!
ردتك تلم وحشتي ..
وتاخذني دمعة طفل والعبره خانگته
تانيتك اني عمر ..
عطشان واتنطرك ترويني بس انته
يامن اجيت ابوكت ..
محتاجك اني چنت ..
والگلب قطعة خشب والنار ماكلته
چذب عليه الزمن .. من گال اريد اسعدك ..
وآنه بفهاوة گلب مسكين صدگته
مات وتركني الفرح ..
وبدمع ينگط جمر من رحت شيعته
وشتريد اگلك بعد ,,
جيتك اريد الدوه ,,
وشوفتك اني الجرح.. لتگلي ماشفته
خلصني من محنتي .. أمروتك كتلني القهر ..
وأشلون اخفي الدمع وعيوني فاضحته
ابفنجان عمري انكتب كلشي.. وقروه اشكثر..
أوصفوك الي بالضبط ..
وضميت سري ..
وگمت اتنهد بسكته
وگالولي انتَ الي .. وتانيتك اني عمر ..
بس ماطلعلت انتَ
الخميس ديسمبر 18, 2014 3:46 am من طرف zeroiraq
موضوع: اجمل قصائد شاعر الحب محمد رحيمة الطائي 
بس حرامات مااكدر اقراها كولهه عل العموم عاشت ايدج
